Análise da primeira xuvenil

 O Maside levouse unha victoria de ouro en Soutopenedo nun intenso choque da 1ª Xuvenil.

Os cinco primeiros clasificados da 1ª Autonómica Xuvenil sacaron adiante os seus compromisos da xornada vinte e dúas, polo que a clasificación non variou con respecto á da pasada semana. Eso sí, a victoria (5-0) do Ponte co Allariz, relegou ao cadro alaricán a oito puntos da zona de promoción como sexto na táboa. A xornada foi a máis goleadora das disputadas ata a data posto que nos oito partidos anotáronse 51 tantos.
Pola parte alta, ademáis do triunfo do líder, o Barbadás vencía (1-5) nos Escolapios a un Calasancio B que leva cinco semanas sen gañar. O Pabellón Promesas tamén goleaba nos Remedios (9-1) ao Velle, o Polígono facía o mesmo (4-1) co Celanova e finalmente o Barco superaba (1-4) no Cardenal Quiroga ao Maceda, que ocupa un dos tres postos de descenso.

Unha das victorias máis sorprendentes, pola amplitude do marcador (0-5), foi a do Arrabaldo en Oira co Ourense B, o que permitiu que a escadra de Santa Cruz deixe a zona de descenso a dez puntos. En canto á zona perigosa, o Corgo viviu un intenso partido entre Soutopenedo e Maside con victoria final (4-5) dos visitantes, que sempre foron a remolque no marcador ata que puideron nivelar a catro tantos e posteriormente dar a estocada definitiva coa quinta diana que lle deu tres puntos de ouro para deixar a zona de descenso a tres puntos e cun partido pendente (19 de marzo) co Antela, que empataba (3-3) na Moreira co Oira nun enfrontamento moi aberto entre conxuntos da zona media.